2016年立會選舉,姚松炎曾經打破港共壟斷,歷史性喺呢個界別贏到一席。不過,睇返姚松炎贏嘅原因,主要係由於兩個建制派互相界票,姚松炎最後先成功小勝約500票。姚松炎團隊喺2016年底嘅特首選委再下一城,成功全取25席。不過,千祈唔好以為呢一個界別贏梗。事實上,姚松炎被DQ之後,2018年舉行補選,由代表泛民出戰嘅司馬文單挑謝偉詮,結果就輸返600票。

做呢個界別的選民,只要附合以下其中一項就得

1.《建築師註冊條例》的註冊建築師
2.《園境師註冊條例》的註冊園境師
3.《測量師註冊條例》的註冊專業測量師
4.《規劃師註冊條例》專業規劃師
5.有權喺上述四個專業所屬學會投票嘅會員

只要你係上述專業人士,就可以喺選舉事務處下載表格,之前有資格投超區就填reo_43轉界別,否則就填reo_41新登記,只要填返自己牌照編號就可以。要記住因應唔同表格,截止日期唔同,reo_43早一個月,今年4月2日截止,reo_41就係5月2日。